Kişi işi

Polis əməkdaşı ilə daşınmaz əmlak agenti velosiped sürmək həvəsi sayəsində yaxın dost olurlar. Hər həftəsonu meşəlik ərazilərdə gəzintiyə çıxan yoldaşlar gündəlik qayğılardan uzaqlaşırlar. Lakin növbəti istirahət günlərinin birində agentin həyat yoldaşı snayper atəşi ilə qətlə yetirilir.

Cinayəti törədən snayperin polisin aylardır axtardığı qatil olduğu üzə çıxır. Baş verən faciədən sarsılan asayiş keşikçisi dostuna qatili mütləq tapıb cəzalandıracağına söz verir. O, nəyin bahasına olursa olsun təhlükəli cinayətkarın izinə düşməyə qərar verir.

«Une affaire d'hommes» trilleri 1981-ci ildə Fransada rejissor Nikolya Ribovski tərəfindən çəkilib. Filmin əsas rollarında Jan Karme, İrina Qrebina, Rolan Jiro və Jak Jiro çəkiliblər.