Təhlükəli əlaqələr

Dieqo və Seyc ölkə boyu səyahət edərkən göl kənarında kirayələdikləri geniş malikanədə dincəlməyi planlaşdırırlar. Lakin cütlük evə daxil olan kimi qapıda eyni yeri bron etmiş başqa bir cütlüklə qarşılaşır. Ev kifayət qədər böyük olduğundan, hər dörd nəfər həftəsonunu birgə keçirmək qərarına gəlir.

Qısa müddətdə bu təsadüfi qonşuluq adi tanışlıq çərçivəsindən çıxır. Qəhrəmanlar arasında qıcıqlandırıcı atmacalar, qarşılıqlı cəzbetmə və sınaqlar baş qaldırır. Beləliklə, dinc istirahət tezliklə təhlükəli və gözlənilməz bir psixoloji oyuna çevrilir.

«Bone Lake» («Təhlükəli əlaqələr») adlı triller filminin rejissoru Mersedes Morqandır. 2024-cü ildə ABŞ-da istehsal olunmuş layihənin baş rollarında Marko Piqossi, Andra Neçita, Meddi Hasson və Aleks Rou çəkiliblər.