Qreystoun Parkı

2009-cu ilin payızında Oliver Stoun ilə nahar zamanı Şon Stoun və Aleksandr Reyt tərk edilmiş bir psixiatriya xəstəxanasını araşdırmaq qərarına gəlirlər. Nyu-Cersidə yerləşən bu məkan vaxtilə pasiyentlərə tətbiq edilən sərt və radikal müalicə üsulları ilə tanınıb.

Köhnə binanın içərisinə daxil olan gənclər qaranlıq otaqlarda gözlənilməz hadisələrlə üzləşirlər. Çox keçmədən hər iki yoldaş bu kimsəsiz xəstəxana divarları arasında tək olmadıqlarını başa düşür.

«Greystone Park» qorxu filmi rejissorların real həyat təcrübəsinə əsaslanır. 2012-ci ildə ABŞ-da çəkilmiş ekran əsərinin rejissoru Şon Stoundur. Baş rollarda Aleksandr Reyt, Ella Lentini, Monika van Vuren və Monika Zordan çəkiliblər.