Bərbər

Sakit bir əyalət qəsəbəsində yaşayan yaşlı kişi qonşuları tərəfindən dinc və hörmətli bir bərbər kimi tanınır. İnsanlar onu illərdir sakit təbiətli sənətkar kimi qəbul edir. Lakin bu dinc mühit gözlənilmədən gələn bir yadellinin gəlişi ilə pozulur.

Özünü Con Laru kimi təqdim edən gənc oğlan bərbərin keçmişi ilə bağlı ağır iddia irəli sürür. O əmindir ki, bu qoca vaxtilə on yeddi gənc qadını diri-diri basdıraraq qətlə yetirmiş qəddar seriyalı qatildir. İki qəhrəmanın qarşıdurması qəsəbə sakininin kimliyini sual altına qoyur.

«The Barber» triller filmi rejissor Basel Owies tərəfindən çəkilib. 2014-cü ildə ABŞ-da istehsal olunmuş layihənin baş rollarında Skott Qlenn, Lidiya Hörst, Tim DeZarn və Kristen Haqer yer alıb.