Qaç! Kaftar qaç!

Katolik məktəbinin şagirdləri Ketrin və Rebekka müəllimlərinin tapşırığı ilə İncil paylamaq üçün yola çıxırlar. Qaldıqları motel işçisinin məsləhətinə qulaq asan qızlar marşrutdan kənara çıxıb yaxınlıqdakı qəsəbəyə üz tuturlar. Lakin yerli sakinlər onları soyuq qarşılayır, təhqirlər yağdırır və silah nümayiş etdirirlər.

Bir qədər sonra qızlar qətl hadisəsinin şahidi olurlar: Lobo ləqəbli qaniçən bir kişi gözləri qarşısında bir qadını öldürür. Cinayətkarın şəriki Marla və digər quldurlar Ketrinlə Rebekkanı əsir götürürlər. «Run! Bitch Run!» filmi girov düşən bu iki gəncin amansız vəziyyətdən xilas olmaq cəhdlərini təsvir edir.

ABŞ istehsalı olan bu qorxu və triller filmi 2009-cu ildə Cozef Qusman tərəfindən çəkilib. Baş rollarda İvet Korvea, Çenoa Meyson, Maz Siam və Kris Veydman çəkiliblər.