Escape The Field

Bir-birini tanımayan altı nəfər nəhəng qarğıdalı zəmisinin ortasında huşsuz vəziyyətdən ayılır. Bura necə gəlib çıxdıqlarını xatırlamayan bu insanların hər birinin yanında naməlum bir əşya peyda olub. Çıxış yolu axtaran qəhrəmanlar birlikdə hərəkət etmək qərarına gəlirlər.

Qarşılarına çıxan müxtəlif tapmacaları həll edərək irəliləyən dəstə, bu sahənin enerjisi ilə bağlı olan qorxunc bir məxluqun hədəfinə çevrilir. Naməlum təhlükə onları təqib etdikcə qarğıdalı sahəsindən xilas olmaq cəhdləri daha da çətinləşir.

«Escape The Field» filmi 2022-ci ildə ABŞ və Kanada istehsalı kimi təqdim edilib. Qorxu və triller janrında çəkilmiş ekran əsərinin rejissoru Emerson Murdur, əsas rollarda isə Şeyn Uest, Yelena Cuatko, Tahira Şərif və Teo Rossi çəkiliblər.