Təcrid

Məktəbli Emili boş vaxtlarında qaranlıq komikslər çəkməklə məşğuldur. Qızın eskizlərində zorakılıq və qanlı cinayət səhnələri geniş yer alır. Bu qorxunc rəsmlərin arxasında isə ailə faciəsi dayanır: vaxtilə qırğın törədən atası ruhi xəstəxanaya salınıb.

Psixiatriya klinikasından qaçan cani yenidən azadlığa çıxır. Qatil qızını tapmaq üçün geri dönür və Emilini, eləcə də onun məktəb yoldaşlarını hədəfə alaraq dəhşətli hücumlar təşkil edir.

«Suspension» adlı Kanada istehsalı olan qorxu və triller filmini 2015-ci ildə rejissor Ceffri Skott Lando ekranlaşdırıb. Əsas rollarda Barri Nörlinq, Coanna Nyumark, Kris Naulənd və Dunkan Olleranşou çıxış edirlər.