Kəllələr 3

Tələbə Teylor Bruks nüfuzlu "Kəllələr" cəmiyyətinə qoşulmaq qərarına gəlir. Atasının və şəhərin bir çox tanınmış şəxslərinin daxil olduğu bu təşkilata dörd il əvvəlki ritual zamanı böyük qardaşını itirməsinə baxmayaraq daxil olmaq istəyir. Üstəlik, klub qaydalarına görə bura yalnız kişilər üzv seçilə bilər. Qız ciddi etirazlarla qarşılaşsa da, maneələri dəf edərək təşkilatın ilk qadın üzvü adını qazanır.

Lakin çox keçmədən xoşagəlməz hadisə baş verir: Teylorun dostu ölü tapılır və qətldə əsas şübhəli kimi məhz o göstərilir. Qız onun bu təşkilata qəbuluna qarşı çıxan cəmiyyət üzvlərinin qurduğu tələyə düşdüyünü başa düşür.

2004-cü ildə Kanadada istehsal olunmuş "The Skulls III" triller filminin rejissoru C. Maylz Deyldir. Ekran əsərində baş rolu Kler Kramer canlandırıb, digər rollarda isə Filip Akin, Bruk D'Orsey və Mariya del Mar çıxış edirlər.