Dərinlikdə

Jess cazibədar Ben ilə tanış olduqdan sonra onunla birlikdə yaxtada dəniz gəzintisinə çıxmağa razılıq verir. Sahildən uzaqlaşan cütlük vaxtlarını sakit və romantik şəraitdə keçirməyi planlaşdırır.

Lakin dənizdə köməksiz qalan başqa bir qızı xilas etdikdən sonra vəziyyət qəfil dəyişir. Gəmiyə qaldırılan naməlum qız Benin əslində təhlükəli bir manyak olduğunu iddia etməyə başlayır.

ABŞ və Böyük Britaniyanın birgə istehsalı olan «Into the Deep» trilleri 2022-ci ildə ekranlara çıxıb. Filmin rejissoru Keyt Koks, baş rol ifaçıları isə Ella-Rey Smit, Metyu Daddario, Cek Morris və Endrü Stildir.