Kassadaqa

Floridada yerləşən və cəmi iki yüz nəfərdən bir qədər çox əhalisi olan Kassadaqa qəsəbəsi daim turistlərin diqqətini çəkir. Buraya gələn insanlar qeyri-adi bacarıqlara malik olduğu deyilən yerli sakinlərlə seanslar keçirmək üçün böyük pullar xərcləyirlər.

Dünyasını dəyişmiş bacısının ruhunu çağırmaq istəyən qəhrəman gözlənilməz təhlükə ilə qarşılaşır. O biri dünyanın varlıqları narahat edilməyi sevmirlər və ölülərlə əlaqə qurmaq cəhdi qorxulu nəticələrə yol açır.

«Kassadaqa» qorxu filmi 2011-ci ildə ABŞ-da rejissor Entoni DiBlazi tərəfindən lentə alınıb. Baş rollarda Kelen Koulmen, Lüsius Baston kiçik, Qarret Boyl və Emi LoSisero çıxış edirlər.