Arturun qarğışı

On səkkiz yaşlı Aleks uşaqlıqdan bəri Artur və minimoylar haqqında məşhur nağıl filmlərinin pərəstişkarıdır. Dostları ona gözlənilməz hədiyyə etmək qərarına gəlirlər. Onlar kinoseriya çəkilişlərinin aparıldığı köhnə və tərk edilmiş evə getməyi təklif edirlər.

Gənclər sevimli filmlərin çəkildiyi məkana yollanaraq xoş xatirələr toplamaq istəyirlər. Lakin kimsəsiz qalmış bu binada onları xoş anlar əvəzinə gözlənilməz təhlükələr və qorxulu hadisələr qarşılayır.

«Arthur, malédiction» filmi 2022-ci ildə Fransada lentə alınıb. Qorxu və triller janrında çəkilən bu ekran işinin rejissoru Barthelemy Grossmann-dır. Əsas obrazları Mathieu Berger, Thalia Besson və digər gənc aktyorlar canlandırıblar.