Uici lövhəsi: Səslər

Nişanlısı ilə yollarını ayırdıqdan sonra Qreys rahatlıq tapmaq üçün ailəsinə məxsus kənar evə üz tutur. O, burada tək yaşayan bacısı ilə yenidən bir araya gəlməyi planlaşdırır.

Lakin doğma evdəki vəziyyət tezliklə qorxulu şəkil alır. Bacısının hərəkətlərində intihar etmiş analarının əziyyət çəkdiyi paranoid şizofreniya əlamətləri üzə çıxır. Qreys ailənin gizli qalmış qaranlıq tərəflərini araşdırdıqca artıq öz ağlının və düşüncələrinin sağlamlığına da şübhə ilə yanaşmağa başlayır.

«The Voices» adlı ABŞ istehsalı olan qorxu və triller filmi 2020-ci ildə çəkilib. Ekran əsərinin rejissorları Uesli Elli və Bredli Faulerdir, əsas rolları isə Cessika Sonneborn, Viktoriya Metlok və Amanda Marks canlandırıb.