Sağ qalmaq

Üç gənc cütlük istirahət günlərini dəbdəbəli yaxtada keçirmək qərarına gələrək açıq dənizə yola düşür. Lakin səyahət gözlənilməz istiqamət alır. Şənlikdən sonrakı səhər dostlar yaxtada heç bir ərzaq və içməli suyun qalmadığını aşkar edirlər.

Elə həmin vaxt ratsiya vasitəsilə onlarla naməlum bir şəxs əlaqə saxlayır. Həmin səs gəncləri amansız psixoloji oyuna cəlb etməyə başlayır. «The Boat» filmi dənizin ortasında köməksiz qalan insanların düşdüyü ağır vəziyyəti nümayiş etdirir.

2022-ci il istehsalı olan bu İtaliya trillerinin quruluşçu rejissoru Alessio Likuoridir. Əsas obrazları Marko Boççi, Marina Rokko, Katsyarına Şulqa və Dian Fleri canlandırıblar.