Superhost

Teddi və Kler kirayə götürdükləri evlərdən videoçarxlar hazırlayan və təəssüratlarını izləyicilərlə bölüşən bloqer cütlükdür. Zaman keçdikcə onların kanalındakı abunəçi sayı azalır və bu geriləmə hər iki gənci bərk narahat etməyə başlayır.

Növbəti səfər zamanı şəhərdən kənardakı fərdi evin sahibi qarşılarına olduqca qəribə və coşğulu bir qadın kimi çıxır. İzləyicilərin diqqətini yenidən cəlb etmək istəyən Kler bu fürsəti qaçırmamaq və yeni videoları məhz bu ev sahibəsinə həsr etmək qərarına gəlir.

2021-ci il istehsalı olan ABŞ trilleri «Superhost» rejissor Brendon Kristensen tərəfindən çəkilib. Ekran əsərində baş rolları Sara Kanninq, Osrik Çau, Qreys Fipps və Barbara Krempton canlandırırlar.