Husk

Beş dostun avtomobillə çıxdığı səfər ucsuz-bucaqsız qarğıdalı zəmilərinin əhatəsindəki kimsəsiz yolda qəfil kəsilir. Qarğa dəstəsinin qabaq şüşəyə çırpılması səbəbindən idarəetmədən çıxan maşın yol kənarındakı xəndəyə yuvarlanır. Nəqliyyatsız qalan gənclər kömək tapmaq məqsədilə yaxınlıqdakı fermaya doğru addımlayırlar.

Ünvana çatan səyahətçilər evin çoxdan tərk edildiyini və ətrafda heç kimin yaşamadığını görürlər. Kömək yerinə onları qorxunc bir müqəvvanı xatırladan qaniçən varlıq qarşılayır. Bədheybət heç kəsi bu hündür qarğıdalı kollarından sağ buraxmaq fikrində deyil.

«Husk» qorxu filminin rejissoru Brett Simmonsdur. ABŞ və Kanada istehsalı olan bu triller 2010-cu ildə işıq üzü görüb. Baş rolları Ues Çətem, Kəndis Rouz, Nik Tussen və Coş Skipvort canlandırıblar.