Albalı küçəsi

Orta təbəqədən olan adi bir ər-arvad kiçik evlərində sakit axşam yeməyinə hazırlaşır. Süfrə artıq qurulub və onlar futbol oyunundan qayıtmaq üzrə olan oğulları Sebastyanın yolunu gözləyirlər. Qapı zəngi çalındıqda Kristin kimin gəldiyinə baxmadan qapını açır və içəri qəfil bir dəstə təhlükəli yad adam soxulur.

Cinayətkarlar yeniyetmə Sebastyanın onlardan birini qarət etdiyini iddia edirlər. Öz hərəkətlərinə haqq qazandıran basqınçılar həm oğlandan, həm də onun valideynlərindən intiqam almağa qərarlıdırlar. Onlar gəncin gəlişini gözləyərkən ailəni girov saxlayır, onları təhqir edib alçaltmaqla vaxt keçirirlər.

Böyük Britaniya istehsalı olan «Cherry Tree Lane» filmi 2010-cu ildə rejissor Pol Endrü Uilyams tərəfindən çəkilib. Ekran əsərində baş rolları Cumeyn Hanter, Eşli Çin, Cenni Jak və Tomas Keyn canlandırıblar.