Gecə tarifi

Gecə klubundakı əyləncədən sonra iki dost evə qayıtmaq üçün taksi saxlayır. Mənzil başına çatdıqda isə gediş haqqını ödəməkdən boyun qaçırıb oradan uzaqlaşmağa qərar verirlər. Lakin gənclər sükan arxasında təsadüfi bir sürücünün əyləşmədiyini çox gec anlayırlar.

Qədim bir inanca görə, başqasına zərər yetirən hər kəsi nə vaxtsa cəzalandıran amansız Qisasçı tapır. Belə bir aqibətdən can qurtarmağın yeganə yolu insanın özünün müvəqqəti olaraq həmin cəzalandırıcıya çevrilməsi və yeni bir günahkar axtarmasıdır. Təhqir olunmuş sürücü qaçan sərnişinlərin izinə düşür və qarşısına çıxan hər kəsi məhv edərək amansız təqibə başlayır.

Fransa istehsalı olan «Gecə tarifi» triller və qorxu filminin rejissoru Jülyen Seridir. Ekran əsəri 2015-ci ildə işıq üzü görüb, əsas rolları Conatan Hovard, Cess Liodin, Aliks Benezek və Zəkəriyyə Quran canlandırıb.