Sübut

Bir qrup gənc meşəlik ərazidə düşərgə salmaq üçün səfərə çıxır. Onlardan biri olan Rayan bütün gəzintini kameraya çəkərək sənədli lent hazırlamaq qərarına gəlir. Meşənin dərinliyində çadır quran dostlar əvvəlcə dinc şəkildə vaxt keçirirlər.

Lakin ətrafdan gələn qəribə və narahatedici səslər sakitliyi pozur. Çox keçmədən gənclər meşədə yaşayan və onlara qarşı düşmən mövqedə olan müəmmalı bir varlıqla üz-üzə qalırlar. Həmin an lentə alınan kadrlar bu səfərdə nələrin baş verdiyini göstərən yeganə fakta çevrilir.

«Evidence» adlı qorxu və triller filmi 2010-cu ildə ABŞ-da istehsal olunub. Rejissor Houi Eskinsin çəkdiyi layihədə əsas obrazları Ebiqeyl Riçi, Zak Feyhi, Endryu Varenhorst və Eşli Breken canlandırıb.