Mayakın ruhu

Dördyaşlı oğullarını itirən Brin və Pol Şou cütlüyü həyata yenidən başlamaq üçün «Mayak mənzilləri» adlı köhnə və cəlbedici bir binaya köçür. Lakin yeni ünvanda sakitlik tapmaq mümkün olmur. Tezliklə Brin burada gizlənən azyaşlı bir oğlan uşağının kabusunu görməyə başlayır.

Qadın qəribə bir gənc professorun və sərt təqaüdçü polisin köməyi ilə bu uşağın vaxtilə necə öldüyünü araşdırmağa çalışır. Brin inanır ki, ruhu azad etməklə öz dünyasını dəyişmiş oğluna mesaj göndərə bilər. Çox keçmədən məlum olur ki, binada həmin uşağın getməsinə mane olan daha bir qüvvə mövcuddur.

«The Beacon» triller və qorxu filmi 2009-cu ildə ABŞ-da rejissor Maykl Stouks tərəfindən çəkilib. Ekran əsərində baş rolları Nik Souell, Conni Krus, Oskar Kontreras və Marin Rouz canlandırıblar.