Tulpa

Birja brokeri kimi fəaliyyət göstərən Lizanın iş həyatı olduqca gərgin keçir. Gündəlik stressi aradan qaldırmaq üçün o, sirli tibetli quru tərəfindən idarə olunan «Tulpa» adlı gizli kluba üz tutur. Şərq təcrübələrinə əsaslanan bu məkana bağlanan Liza gecələrini oradakı intim mühitdə keçirir.

Lakin bir müddət sonra klubun üzvləri növbə ilə yoxa çıxmağa və qəribə üsullarla qətlə yetirilməyə başlayır. Təhlükənin yaxınlaşdığını görən qadın cinayətlərin arxasında kimin dayandığını öyrənməyə çalışır. Araşdırmanın gedişində üzə çıxan faktlar Lizanın gözlədiyindən qat-qat qorxulu olur.

İtaliya istehsalı olan «Tulpa» trilleri və qorxu filmi 2012-ci ildə nümayiş olunub. Ekran əsərinin rejissoru Federiko Dzampalyonedir. Əsas obrazları Mikele Plaçido, Federika Vinçenti, Ennio Tottsi və Cordja Sinikorni canlandırıb.