Təhlükə Siqnalı

Təbiət qoynunda gəzintiyə çıxan Kerolayn gözlənilməz qəza ilə üzləşir. Qayalıqdan yıxılaraq bədən xəsarətləri alan gənc qadın meşənin ortasında tək qalır. Ratsiya vasitəsilə kənar şəxslərlə əlaqə qurmaq cəhdləri də boşa çıxır.

Sağ qalmağa çalışan Kerolayn ağacların sıx olduğu dərinliklərə doğru irəliləyir və buradan heç vaxt çıxa bilməmək təhlükəsi ilə qarşılaşır. Çətin vəziyyətdə olduğu an onun qarşısına yad bir adam çıxır. Bu insanın əslində kim olduğu və qadına kömək edib-etməyəcəyi naməlum olaraq qalır.

ABŞ istehsalı olan «Distress Signals» trilleri 2022-ci ildə nümayiş olunub. Filmin rejissorluğunu Terens Krey və Kristin Naylend boyunlarına götürüb, baş rollarda isə Kristian Nilsson və Donna Mariya Vud çıxış edir.