Əsrin ortaları

Elis və Tom cütlüyü şəhərin səs-küyündən uzaqlaşmaq qərarına gələrək şəhər kənarında ötən əsrin ortalarına aid zövqlü bir ev kirayələyir. Elis cərrahdır və karyerasında yenilik etmək istəyir. Tom isə kənd mühitinə o qədər də maraq göstərməsə də, bir memar kimi məşhur Frederik Bennerin layihələndirdiyi bu tikilinin quruluşuna heyran qalır.

Elisin növbətçi həkim kimi xəstəxanada qaldığı gecələrdən birində evdə qəfil gözəl bir qadın peyda olur. Həmin qonaq Toma bu mülkdə vaxtilə baş vermiş müəmmalı ölümlərdən danışır. O, əvvəlcə bu sözlərə inanmaq istəmir, lakin çox keçmədən ətrafdakı insanlar bir-bir həyatını itirməyə başlayır.

ABŞ istehsalı olan «Mid-Century» («Əsrin ortaları») trilleri 2022-ci ildə ekranlara çıxıb. Filmin rejissoru Sonya O’Haradır. Baş rolları Vins Cordan, Enn Ceyms, Kreyq Bler və Melissa Beyl canlandırıblar.