Təmizlikçi qadın

Kosmetoloq Elis müştərilərini öz evində qəbul edir və eyni zamanda eşq asılılığından qurtulmağa çalışır. O, qrup terapiyasına getsə də, evli bir kişi ilə olan çoxillik gizli münasibətini heç cür bitirə bilmir. Məişət işlərində kömək lazım olduğu üçün Elis üzündə yanıq izləri olan qapalı təbiətli Şellini işə götürür.

Zaman keçdikcə qadınlar bir-birinə yaxınlaşır və təmizlikçi qadın ev sahibəsinin şəxsi həyatındakı çətinliklərdən xəbərdar olur. Şelli Elisin çıxılmaz vəziyyətini gördükdən sonra təkcə evi deyil, həm də onun dolaşıq münasibətlərini qaydaya salmağı qərara alır.

ABŞ istehsalı olan «The Cleaning Lady» triller filmi rejissor Con Nauts tərəfindən çəkilib və 2018-ci ildə nümayiş olunub. Baş rolları Aleksis Kendra, Nikol Qastin, Kay Kofer və Zarif canlandırıblar.