Hindsight

Gözlənilməz hamiləlik Dina və sevgilisi Ronnini ağır maddi vəziyyət qarşısında qoyur. Uşağı böyütmək üçün yetərli vəsait tapa bilməyən gənclər çıxış yolunu qeyri-adi addımda görürlər. Onlar doğulacaq körpəni internet vasitəsilə başqa bir ailəyə satmaq qərarına gəlirlər.

Körpəni övladlığa götürmək istəyən Pol və Mariya adlı cütlük tapılır. Lakin əvvəlcədən düşünülmüş bu plan tezliklə pozulur. Çünki uşağı almağa razılaşan yeni cütlüyün tamamilə fərqli və gizli niyyətləri üzə çıxır.

ABŞ istehsalı olan «Hindsight» trilleri 2008-ci ildə işıq üzü görüb. Filmin rejissoru Pol Holahandır. Baş rollarda Riçard Rili, Ceffri Donovan, Miranda Beyli və Debora Offner çəkiliblər.