Candy Land

On altıncı çıxışda yerləşən yük maşını dayanacağı yerli sürücülərin daimi məkanıdır. Uzaq yol qət edən daşıyıcılar gecələmək, yemək və pullu intim əyləncələr üçün bura üz tuturlar. Sedi, Rayli, Liv və gənc Livay bir yerdə işləyərək yoldan keçən müştərilərə xidmət göstərir və mövcud həyat tərzlərindən elə də şikayət etmirlər.

Lakin sakit təbiətli Reminin peyda olması vəziyyəti kökündən sarsıdır. O, yaxınlıqda məskən salmış və insanları günahlardan təmizlənməyə çağıran dini təriqətdən təzəcə qaçıb. Bu qız onların sırasına qoşulduqdan dərhal sonra dayanacaqda qanlı qətllər və zorakılıq dalğası başlayır.

ABŞ istehsalı olan «Candy Land» triller və qorxu filmi 2022-ci ildə nümayiş olunub. Ekran əsərinin rejissoru Con Svobdur, əsas rolları isə İden Brolin, Billi Bler, Ouen Kempbell və Oliviya Lukkardi canlandırıblar.