Ma

Tənha bir qadın yeniyetmələrə öz evinin zirzəmisində sərbəst vaxt keçirməyə və əylənməyə icazə verir. Gənclər yüksək musiqinin səsləndiyi və içkinin bol olduğu bu qonaqpərvər məkana qısa müddətdə öyrəşirlər.

Ev sahibi ilk baxışdan çox mehriban görünür və qonaqların kefinə mane olmur. Lakin onun gənclər üçün qoyduğu bircə sərt qayda var: heç kim onun şəxsi otağına daxil olmamalıdır.

ABŞ və Yaponiya istehsalı olan «Ma» triller filmi 2019-cu ildə nümayiş olunub. Ekran əsərinin rejissoru Teyt Teylordur, əsas rolları isə Oktaviya Spenser, Lyuk Evans, Dante Braun və MakKeyli Miller canlandırıb.