Ölümcül torpaq

Sem və İen həftəsonunu təbiət qoynunda keçirmək qərarına gələrək meşəlik ərazidə, göl kənarında çadır qururlar. Onlar gəldikləri yerdə başqa bir çadırın da olduğunu görürlər, lakin ətrafda heç kim nəzərə çarpmır. İlk baxışda hər şey sakit və dinc bir istirahət üçün əlverişli görünür.

Növbəti gün qonşu düşərgədə hələ də heç kimin peyda olmaması şübhələri artırır. Meşənin ortasında təkbaşına qalmış, üst-başı çirkli biryaşlı körpə tapıldıqda isə vəziyyət tamamilə dəyişir və gənclər ciddi bir təhlükə ilə üzləşdiklərini anlayırlar.

Avstraliya istehsalı olan «Killing Ground» qorxu və triller filmi 2016-cı ildə ekranlara çıxıb. Ekran əsərinin rejissoru Demien Pauerdir. Baş rolları Culian Qarner, Aaron Qlenneyn, Maykl Dunkan və İen Medouz canlandırıblar.