Gərək Gedərdin

Təqaüddə olan yaşlı bankir Teo Konroy tələbatlı aktrisa Süzanna ilə evlidir. Qadının sıx iş rejimi səbəbindən cütlük birlikdə az vaxt keçirir. Çəkilişlərdə yaranan fasilədən istifadə edən ailə altıyaşlı qızları ilə bərabər internet vasitəsilə Uelsin sakit bir guşəsində kirayələdikləri dizayner malikanəsinə yollanır.

Lakin istirahət planlaşdırıldığı kimi getmir. Bütün ailə üzvləri qarabasmalar görməyə başlayır, Teonun gənc xanımına qarşı qısqanclığı güclənir və kişinin zehnində bu evin nəsə qəribə sirr gizlətdiyi barədə şübhələr yaranır.

«You Should Have Left» adlı qorxu və triller filmini rejissor Devid Kepp çəkib. ABŞ və Böyük Britaniyanın birgə istehsalı olan layihə 2020-ci ildə işıq üzü görüb. Baş rolları Amanda Sayfred, Eli Pauers, Louri Enn Riçards və Eyveri Tiu Esseks canlandırıblar.