Qapının o biri tərəfi

Hindistanda yaşayan gənc ailənin dinc həyatı azyaşlı oğullarının faciəvi ölümü ilə darmadağın olur. İtkini qəbul edə bilməyən ana təsəlli axtarışında dünyasını dəyişmiş insanlarla vidalaşmağa imkan verən qədim bir ayin barədə öyrənir. Bu gizli mərasim ölülərlə qısa müddətə əlaqə qurmaq üçün yeganə fürsətə çevrilir.

Qadın canlılar aləmi ilə o biri dünya arasında körpü rolunu oynayan tərk edilmiş bir məbədə yollanır. Qaydalar qəti idi: ayin zamanı həmin sirli qapını heç bir halda açmaq olmazdı. Lakin ananın bu xəbərdarlığa məhəl qoymayıb qapını açması hər iki dünya arasındakı balansı pozur.

2015-ci ildə ekranlara çıxan «The Other Side of the Door» filmi triller və qorxu janrlarında çəkilib. ABŞ, Böyük Britaniya və Hindistan istehsalı olan bu ekran işinin rejissoru Yohannes Robertsdir. Baş rolları Ceremi Sisto, Havyer Botet, Caks Malkolm və Vicay Qupta canlandırıblar.