Dəriyə qulluq

Los-Ancelesin tanınmış kosmetoloqu Houp Qoldman öz kosmetik vasitələr seriyasını ictimaiyyətə təqdim etməyə hazırlaşır. Lakin qadının salonunun düz qarşı tərəfindəki sahəni Encel adlı rəqib icarəyə götürür. Çox keçmədən Houpun elektron poçtuna kiberhücum təşkil olunur və onun əlaqə siyahısındakı hər kəsə nalayiq məktublar göndərilir.

Bundan sonra baş verən digər xoşagəlməz hadisələr də vəziyyəti daha da qəlizləşdirir. Qadın bu təxribatların arxasında biznesini məhv etmək istəyən Encelin dayandığından şübhələnməyə başlayır.

«Skincare» adlı triller filminin rejissoru Ostin Pitersdir. ABŞ və İtaliyanın birgə istehsalı olan bu layihə 2024-cü ildə işıq üzü görüb. Əsas rollarda Mayka Şvarts, Qreq Aram Varteresyan, Kayl Hetli və Cessi Seyler çəkiliblər.