Onu ovla, onu öldür

Maddi çətinliklərlə üzləşən Karen gecə növbəsində işləmək qərarına gəlir. O, kimya zavoduna xadimə kimi işə düzəlir. Əvvəlki işçi ona görüləcək işləri izah edib getdikdən sonra qadın böyük müəssisədə tamamilə tək qalır.

Bir müddət sonra qapalı əraziyə maskalı naməlum şəxslər soxulur. İstehsalat korpuslarına basqın edən bu dəstə zavodda olan Karen üçün ciddi təhlükə yaradır. Növbətçilik qadının özünü qorumalı olduğu gərgin mübarizəyə çevrilir.

«Hunt Her, Kill Her» filmi rejissorlar Qreq Svinson və Rayan Tissen tərəfindən çəkilib. ABŞ istehsalı olan qorxu və triller 2022-ci ildə nümayiş olunub. Baş rolları Ceyn Svinson, Endi Mak, Corciya Keyt Heyq və Skott Leyn canlandırıblar.