Meşədəki bədheybət

Radio aparıcısı kənd təsərrüfatı ilə məşğul olan yerli sakindən müsahibə götürmək qərarına gəlir. Həmin şəxs yaxınlıqdakı meşə massivində qorxunc bir canlının gizləndiyini və ətrafa təhlükə saçdığını iddia edir.

Sadə bir reportaj kimi başlayan bu söhbət zamanı deyilənlərin nə dərəcədə doğru olduğu araşdırılır. Qəhrəmanlar meşənin dərinliklərində həqiqətən nəyin gizləndiyini anlamağa çalışırlar.

ABŞ istehsalı olan «All Eyes» trilleri 2022-ci ildə nümayiş olunub və ekran əsərinin rejissoru Todd Qrinlidir. Baş rolları Ben Holl, Nik Ballard, Daniel Ploqer və Aleks Qrinli canlandırıblar.