Jane

Nüfuzlu kollecdə təhsil alan Oliviya ən yaxın rəfiqəsinin müəmmalı ölümündən sonra dərin sarsıntı keçirir. Çox keçmədən arzuladığı universitetdən rədd cavabı alması onun vəziyyətini daha da ağırlaşdırır. Bu uğursuzluqlar gənc qızda güclü təşviş və panik atak tutmalarına səbəb olur.

Problemlərlə mübarizə aparmaq istəyən Oliviya sosial şəbəkələrdə dünyasını dəyişmiş rəfiqəsinin profilindən istifadə etməyə qərar verir. O, virtual məkanda qarşısına çıxan hər kəsə qarşı sərt və aqressiv hücumlara başlayır.

ABŞ istehsalı olan «Jane» triller filmi 2022-ci ildə rejissor Sabrina Caqlom tərəfindən çəkilib. Ekran əsərinin əsas rollarında Lulu Kachele, Sesil Kubilo, Don Biknell və Ramona DüBarri çıxış edir.