Təpələrin gözləri var 2

ABŞ Milli Qvardiyasının təlim keçən əsgərlərinə Nyu-Meksiko səhrasında yerləşən «Sektor 16» adlı gizli tədqiqat bazasına təchizat çatdırmaq tapşırılır. Təyinat yerinə çatan hərbçilər stansiyada heç kimin olmadığını və ərazinin boş qaldığını görürlər.

Çox keçmədən dəstə yaxınlıqdakı təpələrdən gələn zəif SOS siqnalı qeydə alır. Qrupun rəhbəri serjant Millstoun dərhal axtarış-xilasetmə əməliyyatına başlamaq qərarına gəlir. Lakin əsgərlər qayalıqlarda onları qaniçən mutant-kannibal dəstəsinin gözlədiyini bilmirlər.

2007-ci ildə nümayiş olunan «The Hills Have Eyes II» filmi ABŞ və Mərakeş kinematoqrafçılarının birgə layihəsidir. Qorxu janrındakı ekran əsərinin rejissoru Martin Vayzdır, əsas rolları isə Sesil Breşia, Reşad Strik, Ceff Kober və Tayrel Kemlo ifa ediblər.