Creep

Videoqraf internetdə rast gəldiyi birgünlük iş elanına cavab verir və uzaq dağ qəsəbəsinə yola düşür. Onu qarşılayan müştəri ölümcül xəstəliyə tutulduğunu bildirir. Həmin şəxs hələ dünyaya gəlməmiş oğlu üçün xatirə olaraq video müraciət yazdırmaq niyyətindədir.

Sadə çəkiliş kimi görünən sifariş getdikcə gözlənilməz və gərgin bir məcraya yönəlir. Müştərinin qəribə hərəkətləri, istəkləri və söhbətləri operatorun şübhələrini artırır. Bütün proses qəhrəmanın kamerası vasitəsilə qeydə alınır.

ABŞ istehsalı olan «Creep» trilleri 2014-cü ildə rejissor Patrik Brays tərəfindən lentə alınıb. Baş rolları Patrik Brays və Mark Düplass ifa edir, həmçinin heyətdə Ketrin Aselton da yer alır.