Madhouse

Gənc həkim Klark təcrübə keçmək məqsədilə baxımsız vəziyyətdə olan psixiatriya xəstəxanasına yollanır. Qısa müddət sonra bu məkanda iki qəddar qətl törədilir. Eyni zamanda həkim yuxularında onu binanın dəhlizlərinə səsləyən ölən bir oğlan uşağının ruhunu görməyə başlayır.

Baş verən müəmmalı hadisələrin və kabusların arxasındakı sirri çözmək istəyən Klark təhqiqata girişir. Bu çətin yolda ona xəstəxananın zirzəmisində yerləşən 44-cü palatanın qeyri-adi sakini yardımçı olur.

ABŞ istehsalı olan «Madhouse» qorxu filminin rejissoru Uilyam Batlerdir. 2004-cü ilin trillerində rolları Boqdan Albulesku, Lens Henriksen, Valentin Stefan və Nyuell Aleksandr paylaşıblar.