Milyon layk

Balaca şəhərdə yaşayan Karissanın sosial şəbəkələrdə çox az izləyicisi var və o, populyar bloqer obrazına qətiyyən uyğun gəlmir. Şəbəkə ulduzu Cek onu fərq etdikdən sonra Karissanı Tailanda dəvət edir. Bu səfər qıza bir milyon abunəçi toplamaq və ailəsinə məxsus rançonu xilas etmək imkanı verir.

Qız məşhur və cazibədar insanların toplandığı dəbdəbəli malikanəyə yollanır; buradakı hər kəs onun məqsədinə çatmasına kömək etməyə hazır görünür. Lakin Karissa bu tədbiri əslində kimin maliyyələşdirdiyini öyrəndikdə hadisələr qaranlıq məcraya yönəlir.

ABŞ istehsalı olan «1 Million Followers» trilleri 2024-cü ildə işıq üzü görüb. Filmin rejissoru Harvi Louridir, əsas rolları isə İvan Vilyams, Kostanza Palaveçino, Varintorn Yaruyanont və Dilan Poyser canlandırıblar.