Məzar axtaranlar

Ruh ovçuları haqqında televiziya şousunun çəkiliş heyəti növbəti buraxılış üçün tərk edilmiş psixiatriya xəstəxanasına yollanır. Lens Preston və onun komandası qorxunc şayiələrlə dolu olan bu məkanda bütöv bir gecə keçirməyə qərar verir.

Nəhəng tibb müəssisəsinin qapıları arxalarında bağlandıqdan sonra heyət üzvləri dolaşan söz-söhbətlərin həqiqət olduğunu anlayır. Binanın daxilində qəribə hadisələr baş qaldırır və oradan sağ-salamat çıxmaq heç də asan olmur.

«Grave Encounters» filminin rejissor kürsüsündə Kolin Minihan və Stüart Ortiz əyləşib. 2010-cu ildə Kanadada çəkilən qorxu və triller janrlı ekran işində baş rolları Xuan Ridinqer, Ben Uilkinson, Brenda Anderson və Eşli Qrızko canlandırıb.