Sümüklər kraliçası

«Queen of Bones» filmi dul qalmış ataları ilə birlikdə gözdən uzaq bir fermada yaşayan bacı və qardaşdan bəhs edir. Evin çardağını araşdıran uşaqlar orada İslandiya mənşəli qədim cadu kitabı aşkar edirlər.

Bu qorxunc tapıntı onların analarının ölümü barədə düşüncələrini tamamilə dəyişir. Yeniyetmələr meşənin dərinliklərində gizlənən şər qüvvələrin ailələrinin başına gələn bu faciə ilə birbaşa əlaqəsi olduğundan şübhələnməyə başlayırlar.

ABŞ istehsalı olan bu triller və dəhşət filmi 2024-cü ildə ekranlara çıxıb. Ekran əsərinin rejissoru Robert Budrodur, əsas rolları isə Patrisiya Fillips, Teylor Şillinq, Kristofer Heyerdal və Kayl Harrison Breytkopf canlandırıb.