Azmış

Çölün ortasındakı kənd yolunda istiqaməti itirən bir ailə çıxılmaz vəziyyətə düşür. Kişi, xanımı və azyaşlı oğlu gecəni palçığa batmış avtomobildə keçirmək məcburiyyətində qalırlar. Səhər açılanda isə qəhrəman maşında tək olduğunu görür: həyat yoldaşı və övladı qeyb olub.

Yaxınlarını axtaran kişi çöldə tənha qalmış balaca bir evə rast gəlir. Orada yaşayan qoca kişi və gənc qız qəribə davranışları ilə diqqət çəkirlər. Bu yad insanlar həm itkin düşən ailə, həm də kişinin özü barədə nəsə bilsələr də, bu həqiqəti hər vəchlə gizlətməyə çalışırlar.

«Azmış» (Заблудившийся) triller filmi 2009-cu ildə Qazaxıstanda çəkilib. Ekran əsərinin quruluşçu rejissoru Akan Satayevdir. Filmdə əsas obrazları Daulet Abdıqaparov, Almagul Rulas, İlyas Sadırov və Azamat İlyasov canlandırıblar.