Mişar X

Ağır xərçəng xəstəliyindən əziyyət çəkən Con Kramer sağalmaq ümidi ilə Meksikadakı eksperimental klinikalardan birinə yollanır. Ona əməliyyatın uğurla keçdiyi və tezliklə sağlam həyata qayıdacağı bildirilir. Çox keçmir ki, bu tibbi proqramın çarəsiz insanları aldadan saxtakarlar tərəfindən qurulduğu üzə çıxır.

Aldadıldığını anlayan Con fırıldaqçılardan qisas almağa qərar verir. «Mişar X» filmi qəhrəmanın cinayətkarları özünəməxsus üsullarla cəzalandırmasını əks etdirir. Hər bir fırıldaqçı Con Kramerin hazırladığı mürəkkəb və qəddar mexaniki tələlərlə üzləşməli olur.

2023-cü ildə ekranlara çıxan bu qorxu və triller filminin rejissoru Kevin Qrotertdir. ABŞ, Kanada və Meksika istehsalı olan layihədə baş rolları Tobin Bell, Kostas Məndilor, Kreyq Hörli və Sebastyan Torres canlandırır.