Günah Udıcısı

Sadə inşaat işçisi Rik Meloun gözlənilmədən varlanmaq şansı əldə edir. Ağır xəstə olan milyarder Corc Dreyton ona qeyri-adi bir təklif irəli sürür. Qocanın nəhəng sərvətinə sahib olmaq üçün Rik onun ölümündən sonra cəsədinin üzərindən yemək yeməlidir.

Bu şərti qəbul edən keçmiş inşaatçı böyük sərvətə və dəbdəbəli həyata qovuşur. Lakin çox keçmədən məlum olur ki, miras təkcə pullardan ibarət deyil. Zənginliklə yanaşı, Dreytonun var-dövlət qazanmaq naminə işlətdiyi dəhşətli günahlar da Rikə keçir.

«Curse of the Sin Eater» filmi qorxu və triller janrlarını bir araya gətirir. 2024-cü il istehsalı olan ABŞ filminin rejissoru Castin Dentondur, baş rolları isə C. Zeyn Stivens, Dastin Houk, Robb Houkinson və Bruk Yerqoviç canlandırıb.