Tərpənmə

Balaca oğlunun vəfatından sonra kədərə qərq olan Ayris faciənin baş verdiyi parkdakı qayadan tullanmaq qərarına gəlir. Həmin an təsadüfən yaxınlıqda olan naməlum bir kişi onun qarşısını alır. O, qadını maşınına qədər ötürmək istədiyini bildirsə də, qəfildən hücum edir. Özünə gələndə əlləri bağlı vəziyyətdə olduğunu görən qəhrəman xilas olmağı bacarır, lakin qatilin ona iflic edən maddə vurduğu məlum olur.

İçindəki yaşamaq istəyini yenidən hiss edən Ayris təqibçisindən mümkün qədər uzaqlaşmağa çalışır. Bədəni tamamilə hərəkətsiz qalmazdan əvvəl vaxt getdikcə azalır. Qadın qaçaraq zəhərin təsiri bütün bədənini bürümədən təhlükəsiz yer tapmalıdır.

ABŞ istehsalı olan «Don't Move» filmini rejissorlar Brayan Netto və Adam Şindler ərsəyə gətiriblər. 2024-cü ildə işıq üzü görən bu trillerdə əsas rolları Kelsi Esbil, Finn Uittrok, Denis Kostadinov və Morey Treduell canlandırıb.