Dead Money

Endinin həyatında ən çox dəyər verdiyi iki şey sevgilisi Xloya və professional poker oyunlarıdır. Uğursuz bir qarət zamanı atışmanın ortasında qalan gənc ani qərarla cinayətkarların pullarını götürüb aradan çıxır. Lakin oğurluq etdikdən sonra gizlənmək onun üçün o qədər də asan olmur.

Qəddar Cek və onun amansız şəriki çox keçmədən Endinin izinə düşür. Quldurlar Xloyanı girov götürərək onu yalnız pul qarşılığında qaytaracaqlarını bildirirlər. Sevgilisini xilas etmək istəyən Endi həyatının ən vacib poker oyununa qoşulmaq və qalib gəlmək məcburiyyətində qalır.

2024-cü ildə ekranlara çıxan «Dead Money» trillerinin quruluşçu rejissoru Lyuk Uolpotdur. ABŞ istehsalı olan bu filmdə baş rolları Rori Kalkin, İndia Aysli, Ceki Erl Heyli və Set Maykls canlandırıblar.