Fall

Həyat yoldaşı Denin qayadan yıxılaraq həlak olması Bekkini dərindən sarsıdır və keçmiş ekstremal həvəslərindən uzaqlaşdırır. Aradan bir il keçsə də, o hələ də kədərini spirtli içkilərlə unutmağa çalışır. Bu vaxt onun keçmiş rəfiqəsi Hanter gəlir və mərhumun xatirəsini yad etmək üçün qeyri-adi bir təklif irəli sürür.

Qızlar ABŞ-ın ən hündür tikililərindən sayılan B67 televiziya və radio qülləsinə qalxıb Denin külünü zirvədən səpməyi qərara alırlar. Heç bir təhlükədən xəbəri olmayan rəfiqələr metal dirəyə doğru yola düşürlər. Lakin onları zirvədə nələrin gözlədiyini heç biri təsəvvür belə etmir.

2022-ci il istehsalı olan «Fall» triller filmi ABŞ və Böyük Britaniya kinematoqrafçılarının birgə işidir. Rejissor kürsüsündə Skott Mann əyləşib. Baş rolları Virciniya Qardner, Culiya Peys Mitçell, Darrell Dennis və Joseph Mann canlandırıblar.