Stranger in the Woods

Nişanlısının ölümündən və ağır sarsıntıdan sonra Oliviya dostları ilə birlikdə şəhərdən kənara çıxmağa qərar verir. Yaxınları düşünür ki, təmiz hava və sakit mühit onun toparlanmasına kömək edəcək. Onlar həftəsonunu keçirmək üçün meşənin dərinliyində yerləşən tənha daxmaya yollanırlar.

Lakin bu səfər qıza dincəlmək imkanı vermir. Meşənin sükutu onda qorxu yaradır və ətrafdakı ağacların təhlükə gizlətdiyi hissi Oliviyanı rahat buraxmır. Üstəlik, qonşuluqda məskunlaşan dostlarından birinin ögey qardaşı da şübhəli hərəkətləri ilə onda ciddi təşviş doğurur.

«Stranger in the Woods» triller filmi rejissor Adam Nyuatşek tərəfindən çəkilib. ABŞ istehsalı olan ekran işi 2024-cü ildə işıq üzü görüb. Əsas obrazları Holli Kenni, Devon Stüart, Radek Antçak və Peris Nikol canlandırıb.