Şər qapıları

«Demonic Doorways» filminin gənc qəhrəmanı şüurlu yuxugörmə təcrübəsini araşdırmağa başlayır. Əvvəlcə yuxuları idarə etmək cəhdləri sadəcə maraqlı eksperiment təsiri bağışlayır, lakin tezliklə xəyal ilə gerçəklik arasındakı sərhəd itir.

Çox keçmədən ailənin evində və anasının başına gələn qorxulu hadisələr təhlükəli şəkil alır. Həmin müəmmalı hadisələr heç də adi gecə yuxusu deyil, real həyatda baş verən gerçəkliklərdir.

Avstraliya istehsalı olan bu qorxu və triller filminin rejissoru Pia Castin Krusdur. 2021-ci ildə çəkilən ekran əsərində baş rolları Morrison Ceyms, Marqareta Moyr, Maykl Morli və Deniel Harpur canlandırıb.