Bütün həqiqət

Ağır yol qəzasından sonra yeniyetmə bacı və qardaşın anası komaya düşür. Nəticədə uşaqlar varlığından belə xəbərsiz olduqları nənə və babalarının yanına köçmək məcburiyyətində qalırlar. Yaşlı qohumlar nəvələrini qəbul etsələr də, yeni mühit ilk andan qəribə təsir bağışlayır.

Qonaq otağında gənclər divarda sirli bir dəlik olduğunu fərq edirlər. Nənə ilə baba bu boşluğu qətiyyən görmədiklərini iddia edir və deyilənlərə məhəl qoymurlar. Çox keçmədən divardakı dəlik uşaqları özünə çəkməyə, onlara qorxunc görüntülər göstərməyə və ailənin gizli keçmişini üzə çıxarmağa başlayır.

Qorxu və triller janrında çəkilən «The Whole Truth» filmi 2021-ci ildə Tailandda istehsal olunub. Ekran əsərinin rejissoru Visit Sasanatyanqdır, əsas rolları isə Sutatta Udomsilp, Nattapat Nimjiravat, Tarika Tidatid və Sompob Benyathikul canlandırıb.