Hacked

Dəb jurnalının redaktoru Samirə Xanna sevgilisi ilə münasibətlərində çətin dövr yaşayır. Öz ad günündə partnyorunun soyuqluğundan sarsılan qadın ona qarşı hissləri olan qonşusu Vivek ilə gecəni birlikdə keçirir. On doqquz yaşlı bu gənc həm də bacarıqlı bir hakerdir.

Səhəri gün peşman olan Samirə gəncin yaxınlaşmaq cəhdlərini birdəfəlik rədd edir. Aldığı cavabla barışmayan Vivek Samirəni təqib etməyə başlayır. O, qadının bütün şəxsi cihazlarına və rəqəmsal hesablarına müdaxilə edərək onun gündəlik həyatını dözülməz vəziyyətə gətirir.

«Hacked» trilleri 2020-ci ildə Hindistanda istehsal olunub. Filmin quruluşçu rejissoru Vikram Bhattdır, əsas obrazları isə Hina Khan, Rohan Şah, Komal Çabriya və Sancay Qurbaksani canlandırıb.