Seven

Ramya adlı gənc qadın əri Kartikin yoxa çıxması ilə bağlı polis bölməsinə müraciət edir. Şikayəti qəbul edən zabit tezliklə qəribə bir faktla qarşılaşır: ondan əvvəl başqa bir qadın da eyni kişi barədə eyni məzmunlu ərizə ilə müraciət edibmiş. Çox keçmədən itkin düşən Kartiki öz həyat yoldaşı adlandıran üçüncü bir xanım da ortaya çıxanda vəziyyət daha da dolaşıq xarakter alır.

Polis əməkdaşları bu qadınlar arasındakı gizli əlaqəni üzə çıxarmaq üçün təhqiqata başlayırlar. İstintaq irəlilədikcə sirli şəkildə yoxa çıxmış bu kişinin əslində kim olduğunu müəyyənləşdirmək zərurəti yaranır. Detektivlər bir-birini tanımayan bu insanların həyatını birləşdirən sirrin izinə düşürlər.

«Seven» filmi 2019-cu ildə Hindistanda çəkilmiş triller janrında bir ekran əsəridir. Filmin rejissoru Nizardır. Əsas rolları Anişa Ambroze, Aditi Arya, Recina Kassandra və Tridha Çadhuri canlandırıblar.